我哋係一班有經驗、專業、細心嘅香港人，總部設於英國東南部, 另外中部亦都有辦事處及物流中心。

 

我哋始於 BNO 大量移民嘅初期，當時我哋喺一間英國搬運公司擔任搬屋顧問，主要幫客人解決文化差異、語言障礙同埋期望落差，務求令成個搬屋過程順暢又安心。

 

我哋公司嘅宗旨係：「由心出發用心送達，服務貼心得嚟有屋企感覺」

呢句說話代表住我哋對服務嘅承諾：貼心、可靠、似屋企人一樣咁幫手。

 

我哋明白香港人嚟到英國，搵當地搬運公司或者師傅好多時都會遇到唔同挑戰，所以我哋決定集合專業同經驗，組成一隊真正了解同關心客人需要嘅團隊，仲提供唔同本地服務，照顧到大家嘅需要。

 

自從 2021 年開始，我哋已經一齊服務超過 6,000 個家庭。

雖然我哋係一間細公司，但係每一個團隊成員都盡心盡力，確保每一次服務都做到最順利、最無憂。